Tu âs cirût la peraule
bilengâl monolengâl
Tu âs cirût la peraule
in poi
torne indaûr

bilengâl

in poi
  • 1

    loc.av. inlà, indenant Copie

    [CO] (par indicâ ce che al ven daspò intal timp o intal spazi)
    da allora in poi = daspò di chê volte
    da qui in poi è tutta campagna = di ca inlà oppure di ca indenant e je dute campagne
    la strada è aperta da marzo in poi = la strade e je vierte di Març indenant

locuzions

    d'ora in poi
  • di cumò indenant, di ca indenant, passe chi, di cumò indevant, di chi indevant, di ca indevant, di chi indenantCopie
    [CO] (tacant di cumò)
    chiamateci sempre d'ora in poi = clamaitnus simpri di chi indenant cosa farai d'ora in poi? = ce fasarâstu di ca indenant? d'ora in poi la posta dovrà arrivare a questo indirizzo = passe chi la pueste e varà di rivâ a cheste direzion
    • da adesso in poi
  • [CO], [TS] (cjale d'ora in poi)
    • da allora in poi
  • di li indenant, di chê volte indenantCopie
    [CO] (dopo di chê volte)
    da allora in poi ha imparato la lezione = di chê volte indenant al à imparade la lezion

monolengâl

indenant av.
(in-de-nant)
De bande che si cjale o che si va, te posizion o te direzion che e je in face de persone che e fevele o de persone o robe che e costituìs il pont di riferiment
sinonims
indevant, devant, denant
esemplis
"il predi, vieli e pleât indenant, al lave sù pe androne"
gjavât fûr di "Il fi de Rosse" di Pieri Menis
"i ôcs ur zigavin di rassanâts, cul bec indenant, viert di fâ pôre"
gjavât fûr di "I ôcs di Miute" di Maria Forte
indenant av., adi.inv.
(in-de-nant)
In posizion di vantaç o plui alte o prime intune classifiche
sinonims
indevant, devant, denant, adalt, sù
esemplis
"al à finît la gare indenant, tra i prins dîs de classifiche finâl"
indenant av.
(in-de-nant)
Tal timp passât o che al ven prime di un ciert moment
sinonims
prin, prime, devant, denant, indevant
esemplis
"al sarès stât un delit chel di pierdile a mone vie cence un tentatîf indenant"
gjavât fûr di "Prioritâts" di Meni Ucel
"il guvier basc al à decidût di spostâ di un an indenant la jentrade in vore dal decret"
gjavât fûr di "Paîs Basc: nuie multis pes aziendis che no rispietin i dirits linguistics" di Carli Pup
indenant av., adi.inv.
(in-de-nant)
Tal timp futûr o che al ven dopo di un ciert moment
sinonims
dopo, daspò, daûr
esemplis
"i doi si inviarin cence che nissun si scomponès par lôr. Ma cualchi dì indenant, i menaus che a passavin par là a faserin une scuvierte"
gjavât fûr di "I pagans di Muine" di Josef Cjargnel
"ma a na fo na flaba un pô di meis indenant, cuant che jê a sa lu cjatà via pai Priecs, tal mieç dai cjamps di sorc: «Adès mo i ti ai ve, santa Lussia, i ti ai e i na tu mi scjampi»"
gjavât fûr di "La passion di Donât Ramaç" di Novella Cantarutti
"si veve di meti in bande i rancûrs e di cjalâ indenant"
gjavât fûr di "Faliscjis" di Cristina Noacco
indenant av.
(in-de-nant)
In complements di lûcs o di timp, par segnâ un tiermin di inizi
sinonims
indevant, inlà
esemplis
"intal 2006 la Zornade Furlane dai Dirits e je stade cjapade sù ancje di Radio Onde Furlane che, di chel an indenant, e à decidût di fâ deventâ i 27 di Fevrâr une dì di fieste"
gjavât fûr di "Zornade Furlane dai Dirits numar 5" di Carli Pup
indenant adi.inv., av.
(in-de-nant)
Che al è za tacât e in part passât
sinonims
plen, profont, tart, indevant
esemplis
"nol veve vût, nancje timp, il paron todesc, di cjatâ un capuçat di mistîr, parcè che la stagjon e jere indenant"
gjavât fûr di "La tiere di Lansing" di Maria Forte
"la gnot e je indenant. Intes garetis, i Cosacs a fasin la vuardie e a tegnin bot ae sium"
gjavât fûr di "Storie di Min" di Ivano Urli
indenant adi.inv., av.
(in-de-nant)
Dongje de conclusion, de realizazion e v.i.
sinonims
a bon pont, indevant
esemplis
"al è in bal ancje un progjet, aromai une vore indenant, par fâ une postazion telescopiche"
gjavât fûr di "Osservatori Astronomic di Talmassons" di Gloria Angeli
indenant adi.inv., av.
(in-de-nant)
Che al è o che al fâs alc in anticip
sinonims
indevant, prin, prime
esemplis
"o soi un an indenant. O ai saltade la prime elementâr"
gjavât fûr di "Prime di sere" di Carlo Sgorlon
indenant adi.inv., av.
(in-de-nant)
Che al è a un nivel alt tal disvilup sociâl, economic, tecnologjic e v.i.
sinonims
progredît, disvilupât, indevant, avanzât
esemplis
"contescj – dai Paîs catalans ae Galizie, de Irlande al Paîs Basc – là che e je une normative di tutele che, almancul su la cjarte, e je une vore indenant"
gjavât fûr di "A Bruxelles, a Bilbao e a Udin: «O volìn une Europe pardabon unide te diversitât»" di Marc Stolf
indenant adi.inv., av.
(in-de-nant)
Orientât aes novitâts, ae inovazion, al progrès, ae modernitât (fig.)
sinonims
gnûf, moderni, progressist, progredît, indevant, avanzât
esemplis
"a sostignivin un program une vore indenant par chei timps: un salari compagn a chel dai oms, la assistence tai mês subit prin e dopo dal part, la pussibilitât di podê vê puescj di vore in cualsisei implei e no dome ta chês voris mancul cualificadis"
gjavât fûr di "Une furlane cuintri la vuere e pai dirits des feminis " di Gotart Mitri
indenant adi.inv.
(in-de-nant)
Che al à une inteligjence svelte
sinonims
inteligjent, svelt, sveât, indevant
esemplis
"int tant indenant di jessi za rivade a capî e a judicâ lis vicendis e i fats, no dal cemût che a vegnin presentâts, ma dal significât che a àn in sostance e dal parcè che a sucedin"
gjavât fûr di "La civiltât dal fum" di Riedo Pup
indenant s.m.
(in-de-nant)
[TS] (sport) Intal rugby, fal che al sta intal tirâ par indenant la bale cu lis mans
detulis
"cuant che si crôt di là un pas indenant, si va doi indaûr"
"lis tristis gnovis a van simpri indenant"
"ogni pît tal cûl al pare indenant"
torne sù
torne sù